كريم سودو مش كريم للأطفال و بس ، و كمان عملو عبوّة للكبار (عشان عارفين الناس بقت تستخدم حق الاطفال😄) العبوة الجديدة استخدامها ساهل و عَملي ممكن تاخديها معاكي في الشنطة زي كريم اليد ، عنده استخدامات مفيدة جداً لينا و بيحل مشاكل كتيرة..
اول شي تعريف بسيط بمكوناته :
قبل كده حابة اوضح ليكم حاجة ..الكريم ده ما فيه اي كورتيزون ، الناس شايلين الكلام ده و بيوزّعو فيه ساي و ما عندو اي أساس من الصحة 👎.. لأنه بساعد في تفتيح اللون على طول الناس صدقت و ارتبط في ذهنها انه فيه كورتيزون..
اما بالنسبة لمكوناته الحقيقية ف بيحتوي على اوكسيد الزنك اللي هو قابض للمسام (عشان كده بيحتفظ بالسوائل داخل البشرة بالتالي حتحافظ على رطوبتها)..
بحتوي ع اللانولين المرطب للبشرة..
بنزوات البنزايل المضاد للحكة و التهيج..
و مكونات تانية مُطهّرة..
📍الإستخدامات :
✅حلك السريع في حالة الحبوب البتظهر فجأة (استخدميه بشكل يومي على الحبة نفسها).
✅كريم مُهديء بعد إزالة الشعر (عشان تتجنبي الحبوب و الاحمرار).
✅ممتاز جداً للناس اللي عندهم اكزيما.
✅مُرطب فعّال للمناطق الخشنة (الرُكب، الاكواع ،باطن القدم).
✅تفتيح المناطق الحساسة ( اكتر استخدام اشتهر بيه كريم سودو) .. لو حابة تسرّعي مفعوله اخلطي معاه زيت لوز مُر(انتبهو للنقطة دي،في بنات بيستخدمو اللوز الحلو ، اللي عنده خصائص تفتيح هو اللوز المُر مش الحلو).
كمان حل ممتاااز للناس البتعاني من سواد الرقبة 👌
✅استخدامو ك كريم عناية ليلي ، ما بنصح بيه ناس البشرة الدهنية لأنه تقيل لكن ممكن تخليه على بشرتك ساعتين بس و تغسليه👌
بيوحّد اللون ، بنعّم ، بيمنع ظهور الحبوب و المسامات ، بيرطب و يفتّح اللون ..
بنصحكم بيه جداً👌
ليست هناك تعليقات:
إرسال تعليق